Президент Сооронбай Жээнбеков Кыргызстандагы баардык жалпыга маалымдоо каражаттарын окуйт. Бул тууралуу жыл жыйынтыгы боюнча маалымат жыйында президент билдирди.
Мамлекет башчы жергиликтүү басылмалардын жана журналисттердин активдүүлүгүн баса белгиледи.
«Мен баардык жалпыга маалымдоо каражаттарын окуйм. Эч кимди бөлүп айтып, таарынткым келбейт, баарыңар жакшы иштеп жатасыңар. Мындан тышкары президенттин аппараты мага негативдүү маалыматтарды өз убагында жеткирип турат», — деди ал.
