Ош шаардык сотунда Баткен облусунун киши колдуу болуп каза болгон прокурору Анарбай Мамажакыповдун өлүмү тууралуу кылмыш ишин кароо уланууда.
Тергөөчү Өмүрбек Мийзамов күнөөлөнүп жаткан Мелис Калыковго карата айыптоочу түз далилдер жок экенин айтты. Ошондой эле, баллистикалык экспертиза прокурорду аткан куралдын маркасын аныктай алган эмес.
Жактоочулар Мелис Калыковго карата кылмыш ишин токтотууну суранышууда.
Эске салсак, Баткен облусунун прокурору Анарбай Мамажакыпов 18-ноябрга караган түнү киши колдуу болуп өлтүрүлгөн.
