Кыргызстандын Россиядагы элчи Аликбек Жекшенкулов атайын сайт ачты.
www.elchi.ru сайтында Аликбек Жекшенкулов өткөргөн жолугушуулар, маектер жана башка маалыматтар жарыяланып турат. Андан тышкары мигранттар үчүн маалыматтар дагы бар.
«Кыргызстандагы жана Россиядагы биздин жарандардын маалымат жагынан толук кандуу камсыз болбой, аксап жаткандарын байкап, досторум менен тилектештеримдин колдоосу менен, мен Кыргызстандын Россиядагы Атайын жана Ыйгарым укуктуу элчисинин интернет блогун түзүүнү чечтик. Блогтун максаты — биринчи ирээттен Элчиликтин ишмердүүлүгүн биздин жарандарыбыз үчүн ачык-айкын кылып, аларга консулдук кеңештерди, тейлөөлөрдүн жана жардамдардын деңгээлин сапат жагынан жакшы нукка өзгөртүү менен кошо мени менен түз байланышта болууга шарт түзөт», — деп түшүндүргөн Аликбек Жекшенкулов.
Бирок, сайтта элчи менен жеке байланышуу жолу көрсөтүлгөн эмес. Интернет кабылдамасы элчиликтин электрондук дарегине жөнөтөт.
Телефондук байланышта дагы Москвадагы элчиликтин расмий сайтындагы эле номурлар көрсөтүлгөн.