Орок айылындагы башаламандыкты уюштурууга жергиликтүү кеңештин депутаты шектелүүдө. Бул тууралуу 24.kg агенттигине укук коргоо органдарынан билдиришти.
Маалыматка ылайык, Кылыч Боркоевди милиция кармады. Ал убактылуу кармоочу жайга киргизилди.
Эске салсак, 5-июнда Орок айылындагы мечиттен чыгып бара жаткан 3 өспүрүм уруша кетишкен. Анда 2 өспүрүм 1 баланы сабап салышкан, кесепетинен бала жаракат алып ооруканага жеткирилген. Кийин урушуп кеткен балдардын туугандары 2 тарап болуп нааразычылык акциясына чыгышкан. Ортодо пикир келишпестиктер жаралып, 15 үйдүн терезелери талкаланып, чөп жыйылып турган 1 сарай өрттөлгөн.
