Бишкек шаардык кеңешинин отурумунда жолбун иттер үчүн жай ачуу сунушталды. Бул тууралуу кезектеги сессияда Сайдахмат Исмаилов айтты.
«Балдар эртең менен сабакка жөнөп жатканда караңгы экенин баарыбыз билебиз. Шайлоочулар жолбун иттердин көптүгүн айтып кайрылышууда. Мэрияга иттерди кабыл ала турган жай ачуу үчүн каражат табууну сунуштайм. Муниципалитет иттерди аттууга каражат коротуп жатат, бирок бул таш боордук. Бул акчага жай ачуу керек», -деди ал.
Депутаттар аталган маселени «Ар кандай маселелер» бөлүмүнө киргизүү үчүн добуш беришти.
