Чет өлкөгө жумуш издеп кеткен кыргызстандыктардын саны 700 000ге жакын. Бул тууралуу маалымат жыйында мамлекеттик миграция кызматынын башчысы Самат Токтоболотов билдирди.
Айтымында, 450 миң кыргызстандык Орусияда иштеп жатат. Мындан улам миграция кызматы өкүлчүлүгүн Москва, Хабаровск, Иркутск, Тюменде ачты.
Жакынкы аралыкта өкүлчүлүктөр Түштүк Корея менен Түркияда ачылат.
