Кыргызстандыктарды Орусияга мыйзамсыз жумушка орноштуруу аракетине бөгөт коюлду. Бул тууралуу бүгүн, 24-мартта Эмгек, социалдык камсыздоо жана миграция министрлиги билдирди.
Маалыматка ылайык, Жарандарды чет өлкөдө ишке орноштуруу борбору менен Ички иштер министрлигинин кызматкерлери мыйзамсыз ишке бөгөт коюшту. Бул иштер Бишкек шаарындагы Кадырбай-Ата көчөсү-1 дарегинде жүрүп жаткандыгы кабарланган.
Фото Эмгек министрлиги. Орусияга мыйзамсыз ишке жиберүү каналына бөгөт коюлду
Министрлик чет өлкөдө иш сунуштаган агенттиктердин уруксат документтеринин бар экендигин текшерүүгө чакырып, агенттиктин мыйзамдуу иш жүргүзүп жатканын https://migrant.kg сайтынан текшерсе боло тургандыгын кошумчалады.
