Жаратылыш ресурстары, экология жана техникалык көзөмөл министрлиги эски автоунааларды Кыргызстанга киргизүүгө чектөө киргизүү мүмкүнчүлүгүн изилдеп жатат. Бул тууралуу Жогорку Кеңеште аталган мекеменин жетекчиси Медер Машиев билдирди.
Анын айтымында, Бишкек шаарынын жана Чүй облусунун абасын булгаган негизги булактардын бири эскирген транспорт болуп саналат.
Агенттиктин маалыматы боюнча, абанын булганышынын структурасы төмөнкүдөй көрүнөт:
40 пайызы көмүр жагууда,
Эски унаалардан чыккан газдарга 30 пайыз,
ЖЭБден чыккан газдар боюнча 15 пайыз,
Чаң боюнча 13 пайыз.
Түтүндүн эки негизги себеби — көмүр менен жылытуу жана эски унааларды колдонуу менен күрөшүү Жаратылыш ресурстар министрлигинин артыкчылыктуу күн тартибинде турат, деп белгиледи аткаминер.
