Жогорку Кеңештин бүгүн, 17-октябрдагы жалпы жыйынында депутат Эмил Токтошев Кыргызстан чет элдиктерге аңчылык кылууга тыюу салса, көбүрөөк киреше таба аларын айтты.
Анын айтымында, фото аңчылык үчүн Кыргызстанга келүүнү каалаган эл аралык ири компаниялар бар. Бирок алар өлкөдө жапайы жаныбарларга аңчылык кылууга тыюу салынган шарт менен келишет. Депутат бул фирмалар чет элдик мергенчиликке караганда алардан алда канча көп акча түшөрүн далилдегенин айтты.
Парламентарий ошондой эле 2022-жылы жапайы жаныбарларга аңчылык кылууга тыюу салган мыйзам долбоорун иштеп чыкканын билдирди. Анда министрлер кабинети эгерде жергиликтүү эсептөөлөрдүн негизинде мал аз болуп, тыюу салуу керек болуп калса, тиешелүү корутунду берерин убада кылды.
«Мен өзүм 2022-жылдын декабрында эсептөөлөргө катыштым. Анан чындыгында расмий маалыматтарга караганда жаныбарлар аз экени белгилүү болду. Бирок министрлер кабинети корутунду бере элек», — деди депутат.
