Республика боюнча 40 айыл өкмөтү ар кандай долбоорлорду ишке ашыруу үчүн 450 миң доллар алат. Бул тууралуу Жогорку Кеңештин Агрардык саясат, суу ресурстары, экология жана аймактык өнүгүү боюнча комитетинин жыйынында белгилүү болду.
Бул акча Дүйнөлүк банк тарабынан пайызсыз насыя жана грант катары берилет. Жалпысынан 27 миллион доллар алынат. Анын 25 миллион доллары 50 жылдык мөөнөткө, төлөмдөрдү 10 жылга кийинкиге калтыруу менен берилген. Дүйнөлүк банк грант катары 2 миллион доллар берет.
Ошондой эле комитет жыйынында 40 райондун бир айыл өкмөтү акча алаары белгилүү болду. Грант алуучулар буга чейин аныкталган. Бирок бул акчага кандай долбоорлор ишке ашары азырынча белгисиз.
