«Yandex Go» компаниясынын Кыргызстандагы жетекчиси Тилек Сулайманов Kaktus.media сайтына берген маегинде компаниянын акыркы бир жарым жыл ичиндеги салык төлөмдөрү тууралуу айтып берди.
Маалыматка ылайык, 2024-жылдын биринчи жарым жылдыгында компания 222 миллион сомдон ашык салык төлөсө, 2023-жылы 328 миллион сомдон ашык салык төлөгөн. Ал ошондой эле өткөн жылдын беш айынын жыйынтыгы боюнча Салык кызматы Яндексти өлкөдөгү эң мыкты салык төлөөчүлөрдүн катарына кошконун эске салды.
Яндекстин Кыргыз Республикасында кандай иштээри тууралуу айтып жатып Тилек Сулайманов компаниянын кеңсеси Бишкекте жайгашканын, ал эми юридикалык жактар да бул жерде катталганын белгиледи.
Яндекс Кыргызстанда шаардык, оюн-зоок жана билим берүү кызматтары, ошондой эле кайрымдуулук долбоорлору менен көрсөтүлөт. Компания мындан ары да өз кызматтарын өнүктүрүүнү пландаштырууда жана жаңы продукцияларды чыгаруу мүмкүнчүлүктөрүн изилдеп жатат.
