Үстүбүздөгү жылдын төрт айында Кыргызстанда өрт кырсыгынан 21 адам каза болду. Бул тууралуу өзгөчө кырдаалдар министринин орун басары Урматбек Шамырканов парламент жыйынында билдирди.
Статистика боюнча 2022-жылы 3 миң 137 өрт кырсыгы катталып, 29 адам каза болгон. 2023-жылы 3 миң 498 өрт кырсыгы катталып, 35 адам каза болгон.
Өз кезегинде Өзгөчө кырдаалдар министрлигинин башчысынын орун басары депутаттарга «Дене тарбия жана спорт жөнүндө» КР мыйзамына өзгөртүүлөрдү киргизүү тууралуу мыйзам долбоорун сунуштады.
Мыйзам долбоорунун максаты өрт-куткаруу бөлүмдөрүнүн өздүк курамынын өз милдеттерин натыйжалуу аткарууга даярдыгын жогорулатуу. Өрт өчүрүүчүлөрдүн аскердик-прикладдык дене тарбия даярдыгы боюнча иш-чараларды уюштуруунун укуктук негиздерин мыйзамдарда белгилөө болуп саналат.
Ошол эле учурда ӨКМ өрт-куткаруу бөлүмдөрүндө жарандык персонал (жарандык) менен алмаштырылган штаттык бирдиктер бар экенин белгилейт. Мындай персоналга карата талаптар дене тарбия даярдыгын камтыбайт, ошондуктан жарандык кызматкерлер аскер кызматчылары менен бирдей негизде машыктыра алышпайт.
Депутаттар мыйзам долбоорун биринчи окууда жактырышты.
