Кыргызстандын кыз-келиндер күрөшү боюнча курама командасынын мүчөсү Айсулуу Тыныбекова Ziolkowski, Pytlasinski, Poland Open атындагы эл аралык рейтингдик мелдешде алтын утту.
62 кг чейинки салмак ченинде күрөшүп жаткан кыргыз балбаны алгач польшалык, андан кийин канадалык спортчуларды мөөнөтүнөн мурда жеңип, финалга чыккан.
Финалда ал Париждеги Олимпиада оюндарында атаандаш боло турган германиялык Луиза Ниемеш менен беттешип, аны 4:1 эсебинде жеңип, алтын байгенин ээси болду.
Белгилей кетсек, рейтигдик мелдештер 19-24-июнь күндөрү Польшанын Варшава шаарында өтүп жатат.
