23:04
USD 88.68
EUR 95.00
RUB 0.95

Кыргызстанда ВИЧти 13 миң 256 адам алып жүрөт

 Кан аркылуу жугуучу вирустук гепатитке жана ВИЧке каршы күрөшүү борборунун маалыматында, 2024-жылдын 1-январына карата Кыргызстанда 13 миң 256 адам ВИЧ инфекциясын алып жүрөт.

Булардын ичинен 735 адам башка мамлекеттердин жараны. Ал эми 12 миң 054 адам кыргызстандыктар. ВИЧ инфекциялуу бейтаптардын 7 миң 571и — эркектер, 4 миң 473ү аял. Илдетке 755 бала чалдыккан.

Расмий каттоого алынгандардын арасынан 3 миң 233 адам кайтыш болгон.

Ооруга кабылгандардын эң көбү Чүй облусунда, Бишкек шаарында жана Ош облусунда.

Кыргызстанда жыл сайын 800 миңге жакын адам акысыз текшерүүдөн өткөрүлүп турат. Вирус аныкталгандарга эл аралык донорлордун көмөгү менен дары-дармек акысыз берилет. Ал дарылар вирусту биротоло жок кылбайт, бирок дарттын өтүшүп кетишинен сактайт.

Дүйнөлүк саламаттык сактоо уюмунун маалыматында, жер жүзүндө ВИЧ жугузган 40 миллиондой адам катталган. Дарт дүйнөдө алгач 1981-жылы, Кыргызстандагы биринчи учур 1996-жылы катталган.

Эң көп окулган жаңылыктар