PISA тестине даярдык көрүү боюнча материалдар Билим берүүнүн сапатын баалоо жана маалыматтык технологияларынын улуттук борборунун расмий сайтына жайгаштырылды. Бул тууралуу Билим берүү жана илим министрлиги билдирди.
«Мугалимдер жана ата-энелер үчүн тесттердин түрү жеткиликтүү түрдө жайгаштырылган, аларды пайдалануу менен балдар менен чогуу PISA тестине даярдык көрүүгө бардык шарттар түзүлгөн. 2025-жылы Кыргызстандын 15—16 жашка чейинки окуучулары PISA-2025 эл аралык изилдөөсүнө катышат. Ал эми мугалимдер окуучулардын функционалдык сабаттуулугун тынымсыз өнүктүрүүгө умтулушу керек, бул мектептердеги билим берүүнүн сапатын жогорулатуу менен түздөн-түз байланыштуу», — деп айтылат маалыматта.
PISA (Programme for International Student Assessment) — окуучулардын билимдеги жетишкендиктерин баалоонун эл аралык программасы. 2025-жылы өтүлүүчү PISA сынагына болжол менен 100 өлкөнүн катышуусу күтүлүүдө.
Кошумча маалыматтарды ссылка аркылуу өтүп, алса болот.
