Бүгүнкү күндө Кыргызстандын акыйкатчы институту жайгашкан имараттын абалы абдан начар. Адам укуктарынын маанилүү маселелери талкуулаган жана чечилген мекемеге тез арада оңдоо иштери керек.
Акыйкатчы Жамиля Жаманбаева 24.kg агенттигинин журналистине имараттын ичин көрсөттү.
Кире бериште эле структурда ондогон жылдар бою эч кандай оңдоо иштери жасалбаганы түшүнүктүү болот.
Шыптар түшөйүн деп, көптөгөн жаракалар, атүгүл тешиктер көрүнүп турат.
Мекеменин баардык жери оңдоого муктаж: чоң тешиктери бар бурчтар, 30-жылдардагы полдор. Бул жерде басуу дагы өтө кооптуу, төшөлгөн доскалар качан түшүп кетери белгисиз. Жалпысынан, адам укугун коргогон мекемеде эмес, кароосуз калган кампада жүргөндөй сезим пайда болот.
Акыйкатчы институту Финансы министрлигинен имаратты оңдоо үчүн 45 миллион сом сураган. Алдын ала маалыматтар боюнча, мекемеге 25 миллион сомдой эле берилиши мүмкүн. Бирок имаратты толук оңдоо үчүн көбүрөөк талап кылынат.
