Соода ишмердигине патенттердин жарактуулук мөөнөтү 2024-жылдын 1-январына чейин. Бул тууралуу Экономика жана коммерция министрлиги билдирди.
Базарларда жана кичи базарларда иштеген ишкерлерге башка варианттарды тандоо сунушталды. Мисалы, 0,1 пайыз ставкасы менен бирдиктүү салыктын негизинде жөнөкөйлөштүрүлгөн салык системасына өтүү.
«Дордой» жана «Туратали базары» базарларындагы (Кара-Суу соода-оюн-зоок комплекси) өзгөчө режимдеги соода зонасында ишкерликке атайын салык түрү бар, ага ылайык салыктын ставкасы кирешелердин жарыяланган көлөмү боюнча аныкталат.
Жогоруда көрсөтүлгөн салык режимдерин колдонууга укугу жок башка соода субъекттери үчүн төмөнкүлөр каралган:
- ККМ колдонуу боюнча талаптарды сактаган товарларды, жумуштарды, кызмат көрсөтүүлөрдү сатуудан жылдык кирешеси 8 миллион сомго чейинки жеке ишкерлер үчүн мөөнөтсүз салык төлөөдөн бошотуу;
- соода ишин жүргүзүү үчүн иштин түрүнө жараша төмөнкүдөй өлчөмдөрдө бирдиктүү салыкты колдонуу:
а) импорттоочуну, экспорттоочуну, дистрибьютордун жана күйүүчү-майлоочу материалдарды, дары-дармектерди жана медициналык буюмдарды сатуучу субъектти кошпогондо, акыркы 12 ай катары менен кирешесинин көлөмү буларды түзөт:
- 30 миллион сомго чейин — 0,5 пайыз;
- 30 миллион сомдон 50 миллион сомго чейин — 1 пайыз;
б) «а» пунктунда көрсөтүлбөгөн субъект тарабынан:
- 4 пайыз — накталай түрдө;
- 2 пайыз — накталай эмес формада;
- 4 пайыз — жеке эмес субъектке.
