16-сентябрда Бишкектеги Дөлөн Өмүрзаков атындагы стадиондо футбол боюнча Кыргыз Республикасынын 2023-жылкы Кубогунун финалдык беттеши өтөт. Бул тууралуу социалдык тармактарда Кыргыз футбол союзу билдирди.
Жеңиш үчүн өлкөнүн учурдагы чемпиону «Абдыш-Ата» (Кант) жана премьер-лиганын дебютанты «Мурас Юнайтед» (Жалал-Абад) ойношот.
Оюн саат 20.00дө башталат.
Эскерте кетсек, жарым финалда «Мурас Юнайтед» «Кара-Балтаны», ал эми «Абдыш-Ата» «Алай» командасын уткан.
