Курманбек Бакиевдин жубайы Назгүл Төлөмүшова 47 жашында Минск шаарында каза болду. Анын сөөгү Кыргызстанга алынып келингени кабарланат.
Назгүл Төлөмүшова кичи мекени — Тогуз-Торо районунда жерге берилет.
Маалыматка караганда, ал оорудан көз жумду.
Белгилей кетсек, Назгүл Төлөмүшова Курманбек Бакиевдин экинчи никедеги аялы. Ал 2010-жылы экс-президент менен Беларуссияга качып кеткен. Экөөнүн бир уул, бир кызы бар.
