Бишкек — Ош жолунда, тагыраагы, Суусамыр өрөөнүндөгү автокырсыктан 9 киши каза болду. Бул тууралуу ӨКМдин маалымат кызматынан кабарлады.
«Honda Stepwgn менен Volvo үлгүлөрүндөгү унаалар кагышып, андан 9 адам — алты аял, эки эркек жана бир жаш бала каза тапты», — деп айтылган маалыматта.
Кырсык болгон жерге барган куткаруучулар көз жумгандардын сөөгүн автоунаадан чыгарып, ИИМ кызматкерлерине өткөрүп берген.
