Москвада 32 жаштагы кыргызстандык Талант Онуров терроризмге айыпталууда. Бул тууралуу маалымат Россиянын тергөө комитетинин сайтында жарыяланды.
Маалыматка караганда, Талант Онуровго карата иликтөө иштери аяктап, «Электрондук жана маалымат-телекоммуникациялык байланышты колдонуу менен терроризмди үгүттөө» жана «Террордук актыны даярдоо» айыбы тагылды.
Тергөөнүн билдирүүсүндө, кыргыз жараны Москвада 2019-жылы келип, бир ай бою террордук акты жасоо үчүн жардамчыларды издеген. Ал Кыргызстанда жүргөндө дагы Россияда тыюу салынган «Ислам мамлекетин» үгүттөгөн видеороликтерди өзүнүн баракчасына жайгаштырган.
Ал 2020-жылдын октябрь айында кармалган.
