20-декабрга белгиленген парламенттик шайлоо токтотулду. Бул тууралуу чечим кечээ Жогорку Кеңештин жыйынында кабыл алынды.
Жыйында «КРнын президентин жана Жогорку Кеңештин депутаттарын шайлоо» жөнүндө миыйзамдын 38инчи жана 63-беренесин убактылуу токтотуп туруу сунушу колдоого алынды. Аталган беренелерде парламентке кайра шайлоо өткөрүү жол-жобосу жана мөөнөтү каралган.
Кечээ кабыл алынган мыйзам долбоор боюнча парламенттик шайлоо 2021-жылдын 1-июнуна чейин белгиленет. Ага чейин азыркы эл өкүлдөрү иштешет.
Мыйзам долбоору боюнча өлкөдө конституциялык реформа жүргүзүлүп, андан кийин гана шайлоолор өтөт.
Белгилей кетсек, БШК парламентке кайра шайлоону 20-декабрга белгилеген.
