Ден-соолугу жактан мүмкүнчүлүгү чектелгендер арасында уюштурулган IPCA дүйнөлүк онлайн-чемптонаттык шахмат оюнуна Кыргызстандан эки оюнчу катышты. Бул тууралуу Кыргызстандагы Шахмат федерациясы билдирди.
Маалыматка ылайык, онлайн-чемпионат 16-17-июнда болуп өткөн.
«Онлайн-шахмат чампионатына ар кайсы өлкөдөн, ар кандай курактагы 124 оюнчу катышты. Турнир швейцария системасы боюнча 9 турдан өттү. Кыргызстандан катышкан оюнчулар турнирдин жыйынтыгы боюнча Тилеген Рахатбеков 39-орунду, Дария Кудайназарова 93-орунду ээледи», — деп берилет маалыматта.
Эске сала кетсек, кийинки шахмат боюнча чемпионат октябрда Израилде өтөт.
