Жарандык активист Бишкек шаарынын тургундарын шаршемби күнү автомобилин үйгө таштап чыгууга чакырат. Бул тууралуу Константин Конкин facebook баракчасына жазды.
Ал шаршемби күнү ордо калаада «Унаасыз күн» жарыялап, жалаң гана коомдук транспортту колдонууну сунуштайт.
«Шаар чоң эмес, жете турган жерге 30 мүнөттө жетсек болот. Анүстүнө коомдук транспортту да колдонуп баштайбыз. Экологияга кандай таасир тийгизерин көрөбүз», — дейт ал.
Белгилей кетсек, кыш кириши менен шаар үстүндө кайра коюу түтүн пайда болуп, экологдор коңгуроо кагууда.
