Башкы прокуратура УКМКга Бишкектеги ликер-арак заводунун мыйзамсыз банкрот болушу боюнча сотко чейинки өндүрүштү жаңылоону тапшырды. Бул тууралуу жарандык активист Мелис Аспеков соцтармакка жарыялады.
Ал КСДП фракциясынын депутаты Чыныбай Турсунбеков рейдерлик жол менен «АкылИнвестБанк» менен Бишкектеги ликер-арак заводун басып алганын айтат.
Мелис Аспеков өзүнүн иликтөөлөрүнүн жыйынтыгын жарыялаары менен, ага ар кандай коркутуулар келип жатканын билдирди. Ал эми Чыныбай Турсунбеков өз дарегине айтылган айыптоолорду четке кагууда.
