Ош шаарында ооруканада комада жаткан бала мурда дагы сабалган. Бул тууралуу «24.kg» агенттигине даарыгерлер билдиришти.
Алардын маалыматында, баланын бутунан жана жамбашынан эски тактар аныкталды.
«Бала буга чейин дагы сабалган. Азыр абалы өтө оор. Эсине дагы эле келе элек» — дейт даарыгер.
Эскерте кетсек, 2015-жылы туулган А. Бексултан 4-февраль күнү катуу сабалып, мээсине кан уюлуп ооруканага түшкөн. Аны 24 жаштагы өз энеси сабаганын мойнуна алып, камоого алынды.
