Кыргызстанда 60 жеке менчик балдар үйү бар. Бул тууралуу бүгүн Жогорку Кеңештин профилдик комитетинин жыйынында маалымдалды.
Анда айтылгандай, өкмөт өлкөдөгү интернаттардын базасын түздү. Балдар үйлөрү көбүнчө Чүй, Талас, Жалал-Абад жана Ош облустарында жайгашкан.
Жалпысынан өлкөдө 63 мамлекеттик, 60 менчик жана 12 диний жаатындагы мекеме бар.
Балдар интернатында жалпысынан 8 миң 800 бала жашайт. Алардын алты пайызы жетим, калгандарынын ата-энелери бар.
