ММА мушкери Антонина Шевченко пилоттук карьерасына көңүл буруу үчүн UFC менен келишимин бузуу демилгесин көтөргөнүн айтты. Бул тууралуу «РБК Спорт» жазып чыкты.
Маалыматка ылайык, Кыргызстандын желеги астында таймашка чыккан 40 жаштагы Антонина Шевченко UFC менен келишимин токтоткону белгилүү болду.
«Мен UFC менен келишимди мөөнөтүнөн мурда токтотууну сурандым. Учкуч катары карьерам толук көңүл бурууну талап кылат», — деди ал.
Спортчунун айтымында, ал эми жашоосундагы кийинки баскычка көңүлүн бургусу келет.
«Учактар менен асман чакырып жатат» деп кошумчалады Антонина Шевченко.
Ал UFCде 2019-жылдан бери катышып, төрт беттеште жеңилип, төрт беттеште жеңишке жетишкен. Жалпысынан спортчунун ММА боюнча 14 беттешинде он жеңиши бар.
Анын кичүү карындашы Валентина Шевченко учурда UFCнин жеңил салмактагы чемпиону.
