Түркмөнстандын президенти Сердар Бердымухамедов Кыргызстандын маданият жана илим ишмерлерин «Махтумкули Фраги» медалы менен сыйлады. Жогорку сыйлык түрк элдеринин маданиятын, искусствосун өнүктүрүүгө, ошондой эле көрүнүктүү түркмөн акыны жана ойчул Магтымгулы Фрагинин чыгармачылыгын изилдөөгө жана жайылтууга зор салым кошкон инсандарга ыйгарылды. Бул тууралуу 24.kg басылмасына иш-чаранын катышуучулары билдирди.
Сыйлык тапшыруу аземи өлкөнүн Межлисинин Төрагасы Дунягозел Гулманованын катышуусунда өтүп, анда кыргызстандык төмөнкү ишмерлерге сыйлыктарды тапшырды:
Академик, Чыңгыз Айтматов институтунун директору Абдылдажан Акматалиев;
Кыргыз Республикасынын Эл артисти, композитор Түгөлбай Казаков;
Кыргыз Республикасынын Эл жазуучусу, ТҮРКСОЙ уюмунун башкы катчысы Султан Раев.
«Сыйлык түрк дүйнөсүнүн өлкөлөрүнүн ортосундагы маданий жана илимий байланыштардын маанилүүлүгүн жана кыргызстандык инсандардын жалпы маданий мурасты сактоого жана өнүктүрүүгө кошкон салымын таанууну баса белгилейт», — деп белгилешти иш-чаранын катышуучулары.
Быйыл Түркмөнстан улуу акын жана ойчул, түркмөн адабий тилинин негиздөөчүсү Магтымгулы Фрагинин туулган күнүнүн 300 жылдыгын кеңири белгилеп жатат.
