Чүй районунун Төш-Булак айылында жайгашкан балдардын «Эдельвейс» ден соолукту чыңдоо лагери мамлекеттин балансына кайтарылды. Бул тууралуу Улуттук коопсуздук боюнча мамлекеттик комитеттин басма сөз кызматы билдирди.
Маалыматка ылайык, лагердин аянты 5,2 гектарды, ал эми имараттардын жалпы аянты 493,8 чарчы метрди түзөт. Лагер 2004-жылы менчиктештирилип, андан бери бир нече жолу кайра сатылып кеткен.
УКМКнын иш-аракеттеринин аркасында аталган мекеме өз ыктыяры менен мамлекеттин карамагына өткөн.
Лагердин сметалык баасы 320 миллион 651 миң сомду түзөт.
Мыйзамсыз менчиктештирилген объекттерди кайтаруу иштери уланууда
