Ысык-Көлдө Индиянын жарандары каза болду. Бул жөнүндө 24.kg агенттигине Өзгөчө кырдаалдар министрлиги билдирди.
Мекеме билдиргендей, 112 кызматына Чолпон-Атадагы «Көгүлтүр Ысык-Көл» санаторийинде эки адам сууга чөгүп кеткени тууралуу маалымат түшкөн. Алдын ала маалыматтар боюнча, алар Индиянын жарандары.
Окуя болгон жерге ӨКМдин беш куткаруучусу тартылган. Алар бир адамдын сөөгүн суудан алып чыгып, ИИМ кызматкерлерине өткөрүп беришкен. Экинчи адамдын сөөгүн жергиликтүү тургундар алып чыгышкан.
