28-декбарда Актөбө шаарында дайынсыз жоголгон төрт жаштагы Данил Ахуновдун сөөгү бүгүн, 30-декбарь күнү эртең менен табылды. Полициянын маалыматына караганда, бала шаршемби күнү балдар үйүнүн алдында жоголгон.
Аны издөө иштерине Улуттук гвардия тартылып, ыктыярчылар да жардам беришкен.
«Издөө иш-чараларынын жыйынтыгында жоголгон баланын сөөгү табылды. Анын денесинде зомбулуктун белгилери болгон. Кылмышты жасоого шектелген киши кармалды жана убактылуу тергөө абагына киргизилди», — деди Актөбө облустук полиция департаметинин башчысынын орун басары Галым Байжанов.
«Жаш баланы өлтүрүү» беренеси боюнча кылмыш иши козголду.
Жергиликтүү активисттердин маалыматына караганда, Данил апасыз чоңойгон. Апасы ата-энелик укугунан ажыратылган. Жергиликтүү ыктыярчылар бүгүн бала убактылуу жашап жаткан «Үмүт» балдар үйүнө гүл жана оюнчуктарды алып барууда.
