«Ынтымак» жана «Ишеним» фракциялары Баткенде биргелешкен көчмө жыйын өткөрөт. Бул тууралуу Жогорку Кеңештен билдиришти.
Депутаттар Баткен облусунун статусу жөнүндө мыйзамдын аткарылышы боюнча облус жетекчиси Абдикарим Алимбаевдин маалыматын угушат.
Андан тышкары, Тажикстан менен чек арада 2021-жылдын апрелинде болуп өткөн аскердик кагылышуунун кесепеттерин жоюу боюнча калыбына келтирүү жумуштарынын жүрүшү жана андан аркы эскалацияга жол бербөө маселесин карашат.
