Кызыл-Кыя шаарында 46 жаштагы жаран киши өлтүрүүгө айыпталып кармалды. Бул тууралуу Баткен облустук Ички иштер башкармалыгынын басма сөз кызматы билдирет.
Маалыматка караганда, 12-июнь күнү эрте менен Кызыл-Кыя шаарынын Пионер көчөсүндө өздүгү такталбаган эркек адамдын жансыз денеси табылган. Анын аркасына учтуу нерсе менен бир канча жолу сайылгандыгы, колу бетинде ар түрдүү жарааттардын бардыгын, башкача айтканда киши колдуу болуп өлтүрүлгөндүгү аныкталып, маркум Кызыл-Кыя шаарынын 36жаштагы тургуну экендиги такталат.
13-июль күнү кылмышка шектелип Кызыл-Кыя шаарындагы автобекеттин жанынан 46 жаштагы жаран кармалат. Ал Бишкекке жөнөп жаткан.
ИИБсынын маалыматында, шектүү Токтогул шаарындагы жаза аткаруу мекемесинен 2019-жылдын сентябрь айынан бери издөөдө жүргөн.
