Чүй облустук прокуратурасы мурунку аялын сабап жана зордуктаганга шектүү жарандын үй камагына чыгарылгандыгы боюнча даттануу жиберди. Бул тууралуу 24.kg агенттигине облустук прокуратуранын кылмыш жана жарандык сот өндүрүштүк бөлүмүнүн башчысы Нурлан Тагаев билдирди.
Анын айтымында, камакка байланышпаган баш коргоо чарасын өзгөртүү- негизсиз жана мыйзамсыз. Т.Т.га колдонулган беренеде камакка алуу каралган.
Эске салсак, 5-октябрда милицияга 27 жаштагы А.К. кайрылган. Жабырлануучунун айтымында, анын мурунку күйөөсү Т.Т. мас абалда аны сабап жана зордуктаган. Мурунку күйөөсү уктап калганда ал качып кетет. Кийин шектүү кармалып, камакка алынган, бирок бир айдан кийин Кемин райондук соту Т.Т.нын баш коргоо чарасын өзгөртүп, үй камагына чыгарып койду.
