Өзбекстандын издөөдө жүргөн жараны Кадамжайдан кармалды. Бул тууралуу Баткен облустук ички иштер башкармалыгынан билдиришти.
Маалыматка караганда, Ташкент шаарында өзгөчө оор кылмыштар менен соттолуп, качып издөөдө жүргөн Өзбекстандын жаран Аббосов Сайдуллахон эчек араны бузуп өтүп, 2016-жылдан бери Баткен облусунунун аймагында жашап келген. Ал Өзбекстанда ал адам өлтүрүү, зордуктоо, каракчылык беренелери менен жоопко тартылып, жазасын өтөп жаткан жеринен качып кеткен.
«Баткенде өзүнө легенда түзүп, аты-жөнүн өзгөртүп Бекболот Кошоков ысымдуу болуп, үй-бүлө курууга жетишкен. Кармалган жарандын өз аты Сайдуллахан Аббасов экендиги аныкталды», — дейт ИИБ.
Ал кылмыштуу иштерин Кыргызстанда да улантып, эл ишенимине кирип жалпы 300 миң сомго алдап кеткен.
