35 миңге жакын кыргызстандык жаран 10-декабрга чейин Орусиянын Миграция кызматынын «кара тизмесинен» чыгарылат. Бул тууралуу Миграция кызматынын башчысы Болотбек Ибраимжанов «Республика -Ата-Журт» фракциясынын отурумунда билдирди.
Айтымында, Орусиянын Миграция кызматынын «кара тизмесинде» 70 миңге жакын Кыргызстандын жараны бар.
Маалым болгондой, ушул жылдын 6 ай аралыгында кара тизмеден 7 миң кыргызстандык чыгарылган.
Расмий маалыматка ылайык, 750 миң кыргызстандык чет жерде иштеп жүрүшөт. Алардын 80 пайызы Орусияда, 10 пайызы Казакстанда, калганы башка мамлекеттерде эмгектенишет.
