Кыргызстанда бир жумада 18 миң 169 жол эрежесин бузуу фактысы катталды. Бул тууралуу Жол кыймылынын коопсуздугун камсыздоо башкы башкармалыгынан билдиришти.
Маалыматка ылайык, бир жума аралыгында административдик жоопкерчиликке тартылгандардын ичинен унааны мас абалында башкаргандыгы үчүн 189 айдоочу кармалды. Ал эми жол белгилерин сактабагандыгы тууралуу 3 миң 490 протокол толтурулуп, айнектери караңгылатылган унааларды башкаргандыгы үчүн 35 айдоочу кармалды.
985 унаа атайын айып унаа токтотуучу жайына киргизилди.
