6—12-апрель күндөрү Бишкек шаарындагы «Жаштык» аренада спорттук күрөш боюнча Азия чемпионаты өтөт. Бул тууралуу Дене тарбия жана спорт мамлекеттик агенттигинен билдиришти.
Мелдешке Азиянын эң күчтүү балбандары катышып, грек-рим, эркин жана кыз-келиндер күрөшү боюнча күч сынашат.
Жалпысынан 350гө жакын балбан катышып, 30 комплект медаль ойнотулат.
Чемпионаттын программасы күрөштүн түрлөрүнө жараша төмөнкүдөй бөлүштүрүлгөн:
- 6—8-апрель күндөрү грек-рим күрөшү боюнча мелдештер өтөт;
- 8—10-апрель күндөрү кыз-келиндер күрөшү боюнча мелдештер болот;
- 10—12-апрель күндөрү эркин күрөш боюнча таймаштар уюштурулат.
Кыргызстандын улуттук курама командасынын намысын өлкөнүн мыкты балбандары коргойт, грек-рим күрөшү боюнча 10, кыз-келиндер күрөшү боюнча 9 жана эркин күрөш боюнча 10 балбан күч сынашат.
