Астанада өтүп жаткан Дүйнөлүк көчмөндөр оюндарында көкпар боюнча финалдык оюнда жаңжал чыгып, оюн токтотулду.
Биринчи таймдын 13-мүнөтүндө Кубанычбек Султан уулу эсепти 3:1 кылып кыргызстандыктардын пайдасына жаңырткан.
Ошондон кийин дароо Казакстан курама командасынын оюнчусу Улан Байтөреев Кубанычбек Султан уулун камчы менен чаап жиберген. Ушундан кийин мушташ башталган. Беттеш жагдайды тактоо үчүн токтотулду.
