20:28
USD 89.43
EUR 96.57
RUB 0.97

Бишкекте «Ожак кебап» кафеси бузулуп жатат

Бишкекте «Ожак кебап» кафеси бузулуп жатат. Маалыматты 24.kg агенттигине вице-мэр Нурдан Орунтаев тастыктады.

Анын айтымында, кафенин ижара мөөнөтү бүтүп, муниципалитет аны узартпоону чечкен, анткени бул тилкеде тротуарды кеңейтүү, ошондой эле жер астындагы же жер үстүндөгү өтмөк куруу пландары бар.

«Мындан тышкары имараттын кожоюндары аны кайра субижарага берип, айына 7 миң доллар алып турушкан. Ал эми шаардын бюджетине жылына 100 миң сом төгүшчү», — деп кошумчалады Нурдан Орунтаев.

Мэриядан кафенин жеңил конструкциялардан салынган бөлүгү бузулуп жатканын билдиришти. Жер тилкесин берүү боюнча келишим Свердлов райондук прокуратурасынын буйругу жана муниципалдык мүлктү башкаруу департаментинин чечими менен бузулууда. 0,029 гектар муниципалдык аймак бошотулат.

Эң көп окулган жаңылыктар