Бишкектиктер Ауэзов көчөсүндөгү көпүрө аркылуу өтүүдөн коркушууда. Бул тууралуу Фейсбук социалдык түйүнүнө Нуржамал Бердалиева аттуу колдонуучу жазып чыкты. Ал Бишкек мэриясына Аламедин-1 менен Учкун кичирайондорунун ортосунда жайгашкан көпүрөгө көңүл бурууну суранды.
«Шаарда канча жылдан бери жашайм, көпүрөнү бир дагы жолу сырдап, оңдошкон жок. Конструкциясы совет маалында тургузулган. Көпүрө бузулуп, шалкылдап калган», -деп жазды Нуржамал Бердалиева.
