10:51, 23 апреля 2018, Бишкек - 24.kg
Башкы прокуратуранын соттордун ыйгарым укуктарын камсыз кылуу башкармалыгынын башчысы Улан Чалбаевге ири суммадагы пара алгандыгы жөнүндө расмий түрдө айыбы угузулду. Бул тууралуу УКМКнын басма сөз кызматы билдирди.
Маалыматка ылайык, Биринчи май райондук соту тарабынан тергөө иштери аяктаганча Улан Чалбаевди УКМКнын убактылуу кармоочу жайына камакка калтыруу чечими кабыл алынган.
Эскерте кетсек, 16-апрелде Башкы прокуратуранын соттордун ыйгарым укуктарын камсыз кылуу башкармалыгынын башчысы Улан Чалбаев 200 миң доллар пара алып жаткан жерден кармалган.