Кыргызстандын транспорт министрлигине караштуу жол фонду жаңы киреше булактарына ээ болот. Тиешелүү мыйзам долбоору Жогорку Кеңеште дароо экинчи жана үчүнчү окууда жактырылды.
Бул жыйымдар күйүүчү-майлоочу майдын ар бир литринен мунайзаттарды эсепке алуунун жана сактоонун автоматташтырылган системасын колдонуу менен май куюучу жайларда чекене сатууда алынат. Ал эми унаалардын ээлери аларга төлөп беришет. Алым алуунун тартибин Министрлер Кабинети аныкташы керек.
«Бул «ким көп айдаса, көбүрөөк төлөйт» принциби колдонулуп, бардыгы сапаттуу жолдорду пайдаланган өлкөлөрдүн практикасын карайт», — деп айтылат мыйзам долбоорунун негизги документинде.
Мыйзам долбоорунун авторлору ошондой эле өлкөнүн бардык жолдорун иретке келтирүү үчүн жол фондунун бюджети 10 миллиард сом болушу керектигин жазышууда. Ал эми 2023-жылы 4,5 миллиард сомго гана жеткен. 2025-жылдын аягына чейин 5 миллиард сомдун кирешеси күтүлүүдө, эгерде каралып жаткан мыйзам долбоору күчүнө кирсе, фонддун бюджети 7 миллиард сомго чейин көбөйөт.
Белгилей кетсек, учурда жол фондусу күйүүчү-майлоочу майларга акциздик салыктын 50 пайызына, жол жана транспортко байланыштуу жыйымдар жана айыптар (каттоо, пропуск, тараза, жасалма курулуштарда жүрүү), республикалык бюджеттен бөлүнгөн каражаттар менен толукталууда.
Транспорт министрлиги ошондой эле кайра иштетүү акысынын эки түрүн киргизүү ниетинде:
эски унаа дөңгөлөктөрүн кайра иштетүү үчүн жыйымдар;
унаанын бузулган тетиктерин жана колдонулган майларды утилдештирүү.
Алымдардын бул түрлөрү өндүрүүчүлөр жана импорттоочулар тарабынан төлөнөт. Төлөө тартиби да министрлер кабинети тарабынан аныкталат.
