Жогорку Кеңештин депутаттары “Аквакультура, балык чарбасы жана суу биологиялык ресурстарын коргоо жөнүндө” мыйзамга өзгөртүү киргизүү жана “Синтетикалык балык уулоону ташып келүүгө, өндүрүүгө, даярдоого, сатууга жана торлор, электр балык уулоо системалары Кыргыз Республикасынын аймагында пайдаланууга тыюу салуу жөнүндө” мыйзамды күчүн жоготту деп табуу боюнча мыйзам долбоорун үчүнчү окууда четке какты.
Министрлер кабинетинин демилгечиси, депутат Кундузбек Сулайманов мыйзам долбоорунда Токтогул суу сактагычында балык өндүрүүгө тыюу салуу каралып жатканын белгиледи.
«Азыр ал жерде көптөгөн ишкерлер иштеп жатат. Алар өздөрүнүн ишмердүүлүгүнө тыюу салгылары келет. Мыйзамдын артка күчү жок, иштегендер иштейт дешет. Бирок ал жакта жаңы ишканалар бизнес жүргүзө албайт”, - дейт Кундузбек Сулайманов.
Эл өкүлү мыйзам долбоору Конституциянын 41 жана 56-беренелерине каршы келерин жана Токтогул суу сактагычын монополияга алып келерин белгиледи.
Жыйынтыгында мыйзам долбооруна 43 депутат каршы, 28 депутат "макул" деп добуш берди.
