Бажы кызматкерлери ден соолугунун мүмкүнчүлүгү чектелген жарандардын жеке колдонуусу үчүн ташылган товарлардан мыйзамсыз түрдө алымдарды алып жатышат. Бул тууралуу депутат Дастан Бекешев бүгүн, 10-октябрда Жогорку Кеңештин жалпы жыйынында билдирди.
Анын айтымында, Салык кодексинде угуу аппараттары, таш калемдер жана башка ушул сыяктуу буюмдарга товарлардан алынуучу салыктан бошотулары так жазылганы менен бажы кызматкерлери алардан 12 пайыз алып жатышат.
«Мындай жагдай, министрлер кабинетинин токтомунда катачылыктар болгон. Мен бул тууралуу бир жарым жыл мурун айттым, оңдойбуз деп убада беришти, бирок дагы деле аткара элек», — деп түшүндүрдү Дастан Бекешев.
