Өткөн суткада коронавирус инфекциясына кабылган 386 адам катталды. Бул тууралуу Саламаттыкты сактоо министрлиги билдирди.
Маалыматка караганда, Бишкек шаарында — 119 жана Чүй облусунда — 118 жаңы учур катталды. Белгилей кетсек, акыркы аптада бул аймактардан коронавирустун жайылышы күч алды.
Калган аймактарда оорунун басаңдаганы белгиленет.
Ош шаарында жаңы учур аз, бир суткада 2 киши вирус жуктурду. Ош облусунда — 30 , Талас облусунду — 17, Нарын облусунда — 11, Ысык-Көл облусунда — 55, Жалал-Абад облусунда — 7 жана Баткен облусу — 27 учур аныкталды.
Март айынан бери 68 миң 702 киши вирус жуктурду.
