13:00, 30 апреля 2019, Бишкек - 24.kg
Кыргызстандын коомдук телеканалдары уран казууга каршы митингдерди капарына албай жатат. Бул тууралуу Жашылдар пратиясынын митингинде жарандык активист Марат Мусуралиев билдирди.
Ал билдиргендей, коомдук телеканалдардагы жаңылыктар берүүсүндө Ысык-Көлдөгү жана Бишкектеги нааразычылык акцияларды көрсөтүшкөн жок.
«Алар абдан маанилүү иш-чараны капарына албай жатышат. Бирок, митингдер токтоп калган жок. Мораторий кабыл алынганга чейин уранды казууга каршы болгон акцияларды уланта беребиз», -деди Марат Мусуралиев.
Жашылдар партиясы май майрамдарында дагы митингге чыгуу ниетин билдирди.