10:05, 17 декабря 2018, Бишкек - 24.kg
Баткен облусунда киши колдуу болуп каза болгон прокурор Анарбай Мамажакыповдун өлүмүнө күбө Наим Дехканов сабалып, учурда операцияга муктаждыгы бар. Бул тууралуу прокурордун өлүмүнө шектүү Мелис Калыковдун бир тууган эжеси Дамира Калыкова билдирди.
Айтымында, Наим Дехкановду 18-ноябрда Баткен милициясы жана прокуратуранын кызматкерлери сабап салышкан.
«Жыйынтыгында жабырлануучу операцияга муктаж. Ал оор жаракат алган. Наим Дахкановду менин бир тууганыма каршы тукуруп, аны каралоого аракет кылышкан. Бирок ал макул болбогон соң сабап салышкан», -деди Дамира Калыкова.
Эске салсак, 18-ноябрда Баткендин прокурорун өлтүрүп кетишкен. Аны сөөгү шаардын четинен табылган.