USD87.45EUR96.10RUB1.06
24.kg

Парижде кыргыз киносунун күндөрү өттү

13:56, 01 декабря 2023, Бишкек - 24.kg

Парижде Cinema Heritage эл аралык фестивалынын алкагында кыргыз киносунун күндөрү өттү. Бул тууралуу Кинематографисттер союзунун төрагасы Таалайбек Кулмендеев социалдык тармактарда билдирди.

Артык Сүйүндүковдун «Шамбала», Айбек Дайырбековдун «Эрмендин жыты» жана Таалайбек Кулмендеевдин «Үй сатылат» тасмалары көрсөтүлдү.

Белгилей кетсек, кыргызстандык режиссер Актан Арым Кубаттын «Эсимде» тасмасы кинофестивалдын финалына өттү.

Cinema Heritage фестивалынын демилгечилеринин бири Кыргызстандын Франциядагы ытайын жана ыйгарым укуктуу элчиси Садык Шер-Нияз. Иш-чараны «Айтыш Франс» ассоциациясы Кыргызстандын диаспорасынын өкүлдөрүнүн катышуусунда өткөрүүдө. Ачылыш аземине биринчи айым Айгүл Жапарова да катышты. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18